tu ke C.I.N.T.A versi SERAWAK

tu ke cinta ....
ke  selalu nundi maya kosongku ...
ke selalu nyapa ba tiap chelap pagiku ...
ke nepis angan maya mataku ngerawang langit

tu ke cinta ...
ke selalu bemain ba tiap sintak seput aku...
ke nglukis gambar bungai  ba tiap kali aku meda tanah lapang ...

ke ngensung baka burung ba sangkar

tu ke cinta ...
ke nyelapka hari panasku ...
ke ngeraup semua debu maya kemarau ...
ti kitang-kitang atas angin malam enggau siang

tu ke cinta ...
ti ngetuk meri salam ba pintu atiku ...
ngisi semua ruang ti udah lama kosong ...
bediri diam sereta angkuh nadai malik ...

tu ke cinta ...
ke ngelabuhka air mata aru ...
ke nguyak pua rindu ...
ti berat ngenanka singkang waktu  ke ka lalu ...

tu ke cinta
ke ngasuh ati ketap-ketap ...
sampai aimata teritik
sampai pendiau balat merampau
sampai asi enda dijingkau..

cinta
ti manis baka gula
tang tau nyadi sembilu tajam bisa.